Ernest Rutherford

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ernest Rutherford
Ernest Rutherford
Información personal
Calendata naiximiento:	30 d'agosto de 1871
Puesto naiximiento:	Brightwater (Nueva Zelanda)
Calendata muerte:	19 d'octubre de 1937
Puesto muerte:	Cambridge (Anglaterra, Reino Uniu)
Ocupación:	Fisico y quimico
[editar datos en Wikidata]

Ernest Rutherford, naixito de Brightwater (Nueva Zelanda) o 30 d'agosto de 1871 y muerto en Cambridge (Cambridgeshire, Anglaterra, Reino Uniu) o 19 d'octubre de 1937, estió un fisico y quimico neozelandés, considerato o pai d'a Fisica nucleyar. Estió o descubridor d'as particlas alfa y d'as particlas beta; descobrió tamién que a radioactividat incluye a desintegración d'os elementos quimicos, recebiendo asinas un Premio Nobel de Quimica en 1908. Tamién estió Rutherford qui almostró a existencia d'un nuclio atomico, en o cual se concentra a carga positiva y a mayor parte d'a masa de l'atomo, y qui logró a primera transmutación artificial.

Si mientres a mayor parte d'a suya vida Rutherford se dedicó cuasi esclusivament a la investigación, a segunda mitad d'a suya vida se dedicó a ensenyar y a dirichir o laboratorio Cavendish en Cambridge, a on se descubrió o neutrón y a on se formoron os fisicos Niels Bohr y Robert Oppenheimer. Asinas, a suya figura tien una gran importancia en o campo d'a Fisica nucleyar.

Rutherford estió president d'a Royal Society (1925-1930), y en 1922 recibió a Medalla Copley. Tamién estió miembro de l'Academia Pontificia de Ciencias.

• Se veigan as imáchens de Commons sobre Ernest Rutherford.